" කීයද අන්තිම දෙන්නෙ? "
" තුන්දාහෙන් පාත බෑ මහත්තය "
"මේක පලුදු අනික දලං ලොට් එකට ගහන්නෙ... එක දාස් පන්සීයක් දෙන්නම් ... කැමති නම් "
.....විනාඩි කීපයක කසු කුසුවකි......
" දෙදාහක් වත් දෙන්න මහත්තය "
" බෑ.... මේක පජාති.. . කැමති නම් සල්ලි ගන්න නැත්නම් වෙන කෙනෙක්ට පෙන්නන."
හැත්තෑව දසකයේ මැද රුපියල් එක් දහස් පන්සියක් යනු ,සැලකිය යුතු මුදලකි... සේවකයකු යවා සිය නවතම ලාන්සර් ෆ්ලැට් ලයිට් කාරයේ ඩිකියෙහි තිබූ බ්‍රීෆ් කේසය ගෙන්වා ගත් මුදලාලි මහතා... සියයේ කොල වලින් පහලොවක් ගෙන පතල් කරුවන් අත තබා...
"ජාතියක් ගේනවකො ඕයී.... තමුසෙලා දෙන්නටම මොටෝ බයිසිකල් දෙකක් අරන් දෙනවා මං ගානේ" පැවසීය
ඔවුන් නික්ම ගිය පසු සිය හෙන්චයියන් දෙසට හැරුනු ඔහු... මැණික් ගල ඔවුනට පෙන්වා...
"තමුසෙලා දන්නවද.... ලක්ශ එක හමාරෙන් එහා වටිනවා... බේරුවල හාජ්ජියාර් කෙනෙක්ට දෙන්න පුලුවන් උඩින්"
එකෙනිහිම මැනික් සාප්පුව තුලට ගොඩ,වූයේ තරුණ කෝටිපති ව්‍යාපාරික මහතාගේ පුද්ගලික නක්ශාස්ත්‍ර කරුවා වූ වයස අවුරුදු හතලිහක් පමණ වූ මිනිසෙකි.
" මහත්තයෝ... හෙට කෙම්මුර දවස... හෙට කතරගම දේවලේ ගිහින් අර පූජාව තිබ්බොත් මේ ගමන ඉල්ලම දෙයියනේ කියලා සරු වෙයි"
" අනේ කපු උන්නැහේ හෙටම ගිහින් තියන්න ඒක වර්ද්දන්න එපා"
" ඒක තමා මාත් හිතුවේ බඩු ටිකට සල්ලි දුන්නා නම මම උදේම යන්නම් "
" ෆොන්සේකා.... දෙදාහක් ගනන් කරල කපු මහත්තය ට දෙන්න..."
යනුවෙන් ගෝලයාට කී මුදලාලි මහතා
" මගේ වන් එයිට් ෆයිව් (Honda CD 185) එක බැටරිය චාජ් වෙන්නත් එක්ක අරන් යන්න" යනුවෙන් කපු මහතාට කීවේය...
මේ අතර මුදලාලී හමුවට පැමිණියේ තවත් ඔහුගේ වත්තක සේවය කරන්නෙකු වූ තංගවේලුය....
" මාතියා... පෝර ටික ගන්ඩ යෙලාව ශරි..මාතියා..."
" තමුසෙලා පෝර කී පාරක් දාන්වද ඕයි..."
"ආං මේ තුන්සීයක් තියනව... පෝරා දාලා අර නෙත්ති කාණුව හදලා දානවා"
" ගියා මාසේ පඩි හිගයි මාතියා... රුපියල් අසූවක්..."
" තමුසේලා සල්ලි කොච්චර දුන්නත් මදිනේ ඕයී.... කනවද සල්ලි.... මේ වතු කෙරුවාවෙන් ලාබයක් නෑ ... අනික මේ ගලුත් හිගයි.... තමුසේ උදේම ඇහැලියගොඩ ගබඩාවෙන් පෝර ටික ගේනවා... මම ලොරිය එවන්නම්...
පසුදින... තංගවේලුත්... ඩ්‍රැයිවර් තැනත් රත්නපුර සිට අහැලියගොඩ දෙසට ලොරියෙන් ගමන් කරමින් සිටී
හදිස්සියෙම්ම රියදුරු තැන
" ඕයි තංගවේලු... මහත්තයගේ බයිසිකලේ නේද අර තේ කඩේ ලග?"
"අඩේ යප්පා.... අශූ අතයි අනූ දෙක නොම්මරෙ ඒකම් තමා සිල්වා අයියා...."
"#&#*@ යකෝ කපුවා කතරගං යනවා කියලා නේද ඕක ඉල්ලන් ගියේ...බලමූ කෝකටත්..."
ඔවුන් නොපෙන ඉසව්වක ලොරිය නවතා සිටියදී... හැඩ කාර කාන්තාවක් සමග මොටෝ සයිකලයට ගොඩ වූ කපුවා.... ආලවට්ටම් දමමින් එය පැද යන්නට වූ යේ කතරගමට නොව... අවිස්සාවේල්ල තානායම වෙතටය...
දින දෙකක පසු... මුදලාලිලා ගේ ගෙලෙහි වූයේ කපුවා කතරගමින් ජීවම් කර ගෙන ආ.... බලගතු සුරයකි.
" කතරගමට නියම වැඩ කාරයෙක් යවලා හදා ගෙන ආව සුරයක් මේක"
එය කන වැකුණු තංගවේලූ පැවසූයේ.
" එල්ලාම් පොයි ... පුණ්ඩේ ශුරේ මාතියා "
සත්‍ය කතාවක වෙනස් කිරීමකි
No comments:
Post a Comment