Wednesday, October 31, 2018

ගුණාත්මක මෙගා ටෙලියක් නිෂ්පාදනය කිරීම

ගුණාත්මක මෙගා ටෙලියක් නිෂ්පාදනය කිරීම

අමුද්‍රව්‍ය -

- වෛවර්ණ සාරී 10ක්

- කාමර පහලොවක් සහ මැද මිදුලක් සහිත නිවසක්

- නපුරු පෙනුමින් යුතු ආච්චිලා දෙන්නෙක්

- විවිධාකාර මුහුණින් යුතු කාන්තාවන් 6 දෙනෙක්

- නිවටයෙක්

- චන්ඩි දෙන්නෙක්

- සීයලා හතර දෙනෙක්.

- වයසට නොයන පොඩි උන් දෙන්නෙක්

- නයෙක් සහ සිංදු කියන හරකෙක් හෝ නැට්ට දිග රිලවෙක්

මීට අමතරව පූජා වට්ටි පහක් දේව පිංතූර හතරක් සහ කපුරු, දුම්මල , ගිනි කබල්, පලතුරු, මල්මාලා අවශ්‍ය පමණට ගත යුතුය.

උපකරණ ලෙස කැමරා තුනක්, ටියුබ් ලයිට් පහක් සහ ලයිට් අල්ලන්න කොල්ලො හතරක් ද, භයානක සංගීත ඛණ්ඩ කීපයක් ද , තිර රචනය සදහා හාෆ්ශීට් බණ්ඩල පහක් ද සපයා ගන්න.

ඩිරෙක්ටර් වරයෙක් සහ තිර රචකයා වෙනුවට අවමංගල අද්දියක්ශක වරයෙක් සහ ගාමිණි කඩේ ලියන මහත්තයා උවද ගත හැක.

රූගත කිරීම

පලමුව ආච්චිලා හට සාරි අන්දවා ( ඔලුවට සාරි පොට දැමීම අනිවාර්යවේ) අර්සස් අමාරුව තද වූ විටක ඉරියව්ව මුහුණින් මතුවන සේ දර්ශන වාර අටක් ගත යුතුය. (මුහුණ ලංව පෙනෙන සේ හතරක් සහ ඈතට හතරක් වශයෙනි )

එයට භයානක සංගීත කන්ඩයක් දමා පදමට එඩිට් කරගන්න. ඉන්පසුව පූජා වට්ටි සහ දුම්මල ගෙන පූජා විදි කීපයක් ද විවාහ මංගල අවස්තාවක් ද , ගෑණු කෙහෙවලු පටලවා ගන්න දර්ශන තුනක් සහ රණ්ඩු දෙකක් ද අවසන් වශයෙන් රිය අනතුරක් ද වශයෙන් රූප ගත කර අදාල සංගීත සංයෝජනය කිරගන්න.

දැන් ඔබ සාඩම්බර මේගා ටෙලියක අඩිතාලම දමා අවසානය ... අවශ්‍ය පමණට දෙබස් සහ

චරිත එකතු කිරීම සහ අඩු කිරීම මගින් නාට්ටිය ඇදගෙන යාම ඔබ සතුය.

2 comments: