ටිකට් ඇදෙන හැටි

“ඇත්ත කියපන් .... කොහෙන්ද උබට සල්ලි මේ සෙල්ලම් පිස්තෝලේ ගන්න ? “



“ ටී ර්ටි.. ටී ඊ...... ටිකට් එකක් ඇදුනා “



“ ටිකට් එකක් ඇදුනා ? උබට ? ඇත්ත කියපන් කොහෙන්ද මේ සල්ලි හොරකම් කලේ ?



තාත්තාට හොදටම කේන්ති ගොස් ඇත. ඔහු අස්වසාලීම සහ මා බේරීම සදහා අම්මා කරුණු ඉදිරිපත් කරයි



“ ඇත්තටම ටිකට් එකක් ඇදිලා වෙන්නත් පුළුවන්නේ , අපි හරියටම දන්නේ නැ නේ “



“මුට ටිකට් ? මු හම ගහන්න ඕන පරයාව....එහෙනම් සූදුවට යනවට “



තවත් මරාලයකි. අවසානයේ මා හට සිදුවුයේ තාත්තා ගේ සාක්කුවෙන් රුපියල් පණහක් මාටියා ගැසූ බව පිලිගන්නටය. ඉස්කෝලයේ හයේ පන්තියේ සිටි මා රුපියල් පණහක් සොරකම් කලේ එවකට සිසුන් අතර මේනියාවක් සේ ප්ර්චලිතව තිබු බෝල දමා වෙඩි තියන පිස්තෝලයක් ගන්නටය. කොටින්ම පන්තියේ අනික් හැම එකා ලගම තිබු මගේ ලග නොතිබූ මේ අපුර්ව උපකරණය මට වඩාත් අවශ්යක වුයේ උන්ගේ වෙඩි පහරට මගේ පස්චාත්භාගය ඉලක්කවූ නිසාය . රටක් රාජ්ජයක් දින ගත් සේ බස් නැවතුම් පොලේ සිටි තොරොම්බල් බඩු වෙළෙන්දාගෙන් පිස්තෝලයක් ගෙන සතුරන් සියල්ල වනසා වෙඩි තබා දිග්විජය කර නිවසට පැමිණි මා වැඩේ අනා ගත්තේ නංගිට තුවක්කුව උරුක් කරන්න ගොස් ය ඒ හවස දෙක හමාරට විතරය ..



මහා සමයම සේ පැයක් පමණ හු තියමින් අඩමින් සිටි ඇය සවස පහට යන හා හා හරි හාවා කාටුන් එකත් හිනා වේවි ඉතා ප්රී තියෙන් නරබමින් සිටි නමුත් හතට පමණ තාත්තා ගේට ගොඩවන විටම , මහා හයියෙන් විලාප ගසමින් ඒ ඉදිරිපත් කල රඟපෑම් විලාසය ඔස්කාර් නිලියක් නම් පරදන බව අදටත් මගේ විස්වාසය වේ . එයින් කුපිත වූ ම පියා විසින් පේර කෝටුවක් කැඩෙන තුරු දුන් දඩුවම මම ඉතා ආයාසයෙන් ඉවසූවේය.



“ මිනිහෙක් උනාම හොරකන් කරන්න , ණය වෙන්න , දෙකම පුරුදු වෙන්න හොද නෑ, තමන්ට නැත්නම් නැති විදියට ජිවත් වෙන්න ඕන , ලෝකේ අනික් මිනිස්සු කරන සේරම අපිට කරන්න පුලුවන්ද ? සෝබන වැඩ වලට , සර්වපිත්තල දේවල් වලට මිනිස්සු වහ වැටිලා , ඉගන ගනින් සතේ රුපියලට වියදන් කරන්න, ස්ථාවරයක් හද ගත්ටට පස්සේ , උබට දවසක් එයි හිතේ හැටියට වියදන් කරන්න එදාට ඕන දෙයක් කරගනින්.



යනුවෙන් එදා දුන් උපදෙස් මා හට වඩාත් හොදින් තේරුම් ගියේ ම රැකියාවක් කර හරි හම්බ කරන්නට ගත් පසුවය.



මේ සිදුවිම ගිය පාර ලංකාවෙන් පිටත් වෙලා යන්න ගුවන්තොටුපලට එන ගමනේදී මම තාත්තට මතක් කලාම හිනා වෙලා ඔලුව හොල්ලපු තාත්තා කිවේ



“ එදා උබට ගහල බැනල හදා ගත්තේ නැත්නම් ටිකට් එක ඇදෙන්නේ මට “