"මහත්තය හදුන්කූරු එකක් ගන්න මහත්තයා.... පොඩි සහයෝගයක් දෙන්න මහත්ත"
"කීයද ?"
"පැකට දෙකයි පාන්තිර පැකට් දෙකයි සීයයි මහත්තයා"
"ඔව්වගේ හදුන්කූරූ නෑනේ...? "
"අනේ මහත්තය අම්මා හදන්නෙ මම රාගම. අපිට උදව්වක් කරන්න"
අනේ මහත්තයා ඉස්කෝලේ යන්න මහත්තය , අපි රාගම රේල් රිසිවේසමේ ඉන්නෙ මහත්තය.....
ගම්පහ පරන බස් නැවතුම තිබ්බ තැන තියන රථ ගාලේ වාහනය නවත්තලා බහින්න හදනකොටම මතු වෙච්ච නාවර පෙරාගත්ත කොලුවා එෆ් එම් එකක් වගේ කියෝනවා... හදුන්කූරූ එපා කියලා රුපියල් සීයකුත් දීලා මම මගේ වැඩේට ගියා.
රෑ හතට විතර සේරම වැඩ ටික ඉවර කරං මම ඔන්න එනවා ඔරුතොට පාර දිගේ බැලුම්මහර පැත්තට. ඔය පාරේ තියන සරීර සුවතා (තප්පදෝරූ දිග කලිසං මංතීරුව) මංතීරුව හරියට එද්දි ආපු දුරකතන ඇමතුමකට උත්තර දෙන්න මම වාහනේ නතර කරාම .උදේ හදුන්කූරු වික්ක කොලුවා ඉන්නවා . යකඩ මාල තිස් පහක් විතර කරේ දාගත්ත ,ඩිමෝ බට්ටෙක් ගෙන් ආව සකලවිධ අපතයෙක් එක්ක. එතන ඉදන් මට ඇහුන දෙබස මේ...
" කණ පොඩිවෙන්න ගහන්නෙ... වේසිගේ පුතාට... කෝ යකෝ පෙට්ටි තුනක සල්ලි.... මෙහෙවර පරයා තොගේ සාක්කුව බලන්න"
සිල්වර් හිපාටුවා තමන්ට වඩා අවුරුදු විසි පහක් විතර බාල තමන්ගේ මුණුබුරකු තරමේ පොඩි එකාට ගැම්මෙන් සයිස් එක දානවා.. තාම ගෙන්දගම් පොලවේ අංකුරයක් වෙච්ච පොඩි එකාත් අතාරින්නෙ නෑ ...
"යකෝ මන් බත් එකක් කෑව.... තෝ කන්න දුන්නද අද...?"
හෙට ඉදන් තෝ එන්ඩ එපා... තොගේ මහ එකීට කියපන් දීපු බඩුටිකෙන් හදුන්කූරු ටික හදලා එවන්න කියලා...දැන් නැගපං ලොරියට...
බට්ට ලොරියේ තට්ටුවේ තවත් ඒ වහේම හදුන්කූරු විකුනන පොඩි උන් හතර දෙනෙක් හිටියා.... අන්තිමට තවත් මොනවදෝ කියපු තගයත් බට්ට ලොරිය ස්ටාර්ට් කරන් ගම්පහ පැත්තට ඉගිලුනා... මම බැලුම්මහර පැත්තට එන්න ගත්තා.
මග තොටේ අපි කාටත් මුණ ගැහුන මේ චරිත වල අපේ අනුකම්පාව කියන කඩතුරාවෙන් ඔවුන් වසා ගන්න නිරුවතක් තියනවා...
පොඩි කාලේ ඉදන්ම මෙවන් පරිසරයක උස් මහත් වෙන ඊනියා වහල් ශ්‍රමිකයන් ඊලගට සමාජ විරෝදී ආකල්ප දරන කුඩු කාරයන් , අපරාධකරුවන් කියන කොටස් වලට වැටිලා අපි අතරෙම ජීවත් වෙනවා..
අපි අනුකම්පාව, පිං සිතුවිලි නිසා ඔවුන් පෝෂණය කරනවා...ඔබට මෙවනු දරුවකු හෝ කාන්තාවක මුණගැසුණේ නම්... ඔවුනට කෑමට බත් පතක් , බීම බෝතලයක් හෝ කෙටි කෑමක් රැගෙන දෙන්න මන්ද යත් මුදල් දී ඔවුන්ගෙන් භාණ්ඩ මිලදී ගනිමින් අප දිරිමත් කරනුයේ ඊලග පරම්පරාවේ විනය විරෝදී සමාජ විරෝදී පුද්ගලයන් බැවිනි.
No comments:
Post a Comment