Saturday, November 24, 2018

වොසිං මැසිං

එක්සත් ජනපදයට සංක්‍රමණය වෙච්ච මුල් කාලේ මට නවතින්න සිද්ද උනේ අපේ බාසාවෙන් කියනවා නම් බෝඩිමක. 1913 දි හදපු පට්ට පරණ ගෙයක් අලුත්වැඩියා කරලා මනුස්ස වාසයට සුදුසු තැනක් කරල , ගෑස්, හීටර්, අන්තර්ජංජාලේ සේරම එක්ක මාසෙට ඩොලර් දෙසිය පණහයි. දෙමහල් නිවසක් නිසා කාමර අටක් තිබ්බ. සේරම බෙදාහදාගෙන තමයි කටයුතු සිද්ද කරන්න තිබුනෙ.
ගෙදර උන්නෙ ඉන්දියන් කාරයෙක් , චීන කෙල්ලෙක්, කොරියන් කාරයෙක්, ඇමරිකන් කෙල්ලො දෙන්නෙක් සහ කොල්ලො දෙන්නෙක් එක්ක ලංකවෙන් මං. චීන කොරියන් දෙන්නම නම් මං හිටි කාලෙට මට මුණගැහිලා තිබුනෙත් තුන් හතර පාරක් විතරයි. උන් අපි ඉන්න පලාතකට එලියට පේන්න ආවේ නෑ.. අනිත් උදවිය අඩුවැඩි වශයෙන් සාලෙදි , කුස්සියෙදි, එලියේ දුම් පිඹින කෑල්ලෙදි අපිට අනන්තවත් මුලිච්ච් වෙනවා. ඒ කතා බහ සමහර වෙලාවට ඉවර වෙන්නෙ එලිවෙන ජාමෙට. කාටත් කරදරයක් නොකර අනික් සේරම පාඩුවේ හිටියට, ඉන්දියන්කාරයා මෙතන හිටිය ජරාම සතා. කොටින්ම ඌ ස්කයිප් එකෙක්න් ගෙදරට කතා කරන්නෙත් මහ සද්දෙට බෙරිහන්දීලා කුස්සියේ මේසෙ උඩ ලැප් එක හරි ෆෝන් එක තියාගෙන. වටේ පිටේ ඉන්නෙ අනික් උන් කරන්නෙ මොනාද ඌට අදාලම නෑ. වතාවක් ඌ උගේ ගෑනුලමයටද කොහෙද වටපිටාව පෙන්නන් කියලා ෆෝන් එක මෙහෙක් කරන් පාරේ යද්දි ජොගින් ගිය ඇන්ටි කෙනෙක් හිතලා ඇන්ටිගේ සරීර කුඩුව වීඩියෝ කලාය කියලා පොලෝසියෙන් ගෙදරටත් හොයාන ආවා.
බෝඩිමේ සිරිත තමයි කිසියම් දෙයක් පාවිච්චි කලාට පස්සෙ ආපහු සුද්ද කරලා ඊලග කෙනාට පහසු වෙන්න තියන එක. ඒත් මූට ඒක අදාල උනේම නෑ. ඉව්වා නම් ස්ටෝව් එක උඩ කක්ක කරලා වගේ .අනිත් එකා පිහිදාන්න ඕන. සින්ක් එක අස්සෙ මිනිහගේ හැලි වලං පුරවලා.. කොටින්ම දවසට තුන්හතර පාරක් උගේ දොරට තට්ටු කරලා ගේම ඉල්ලන එක අපිට සාමන්‍ය දෙයක් උනා. ඔන්න පොඩි වටපිටාවේ විස්තරයක් කීවේ. මෙන්න මේකයි සිද්දිය.
රෙදි හෝදන්න වෙල්ලන්න පාවිච්චි කරන වොසිං මැසිමත් , ඩ්‍රයිර්‍යත් තිබුනෙ බිමමහලෙ. සියලුම ඇමරිකානු ගෙවල් වල පොලව යටට කොටසක් බිම්මහලක් හෙවත් බේස්මන්ට් එකක් තියනවා පරන ලට්ට ලොටට ඒමත් නැත්නම් ජිම් එක, අනම් මනම් තියෙන්නෙ ඕක අස්සෙ තමා. රෙදි හෝදන්න කාල සටහනක් හදලා තිබ්බෙ සති අන්තෙට පෝලිමේ ඉදලා හෝදන්න වේලන්න වෙන නිසාමයි.
රෑ වැඩ මුරයක් ඉවර කරපු මම උදේ පහ හමාරට විතර වැනි වැනී ඇවිල්ල හෝදන රෙදි ටික මැසිම අස්සට ඔබලා , උදේට කාල කෝපි කෝපෙපෙකුත් බීලා රෙදි ටික වේලන යන්ත්‍රයට දාන්න කියලා ගිහින් එකින් එක එලියට ගනිද්දි තමා මට වෙච්ච මොකද්දො අමුත්තක් තේරුනේ..කාන්තාවන් පාවිච්චි කරන සකලංසමාල කීපයක් මගේ රෙදිත් එක්ක ඇඹරිලා පැටලිලා තියනවා. බලන්නෙ හොයන්නෙ නැතුව මාත් රෙදි ටික ඔබලා මැසිම ස්ටාට් කරපු එකේ ගොංකම. ආපහු ඒ ටික මැසිමට දාන්න කියලා හිතනකොටම විදුලියක් කොටනවා වගේ මහා කුප්ප අදහසක් ආවා ඔලුවට.
ඒ වෙද්දි ඉන්දියන්කාරගෙන් වැඩිම හානිය තිබ්බෙ මට. මොකද උගෙයි මගෙයි ආහාර රටා එකක් නිසා. මං ගේන බඩු මුට්ටු අසුරු සැනින් වාස්ප වෙනවා. ඌ වහේ කාමරේ ඇදයට හාල් තුන පහ එලවලු තියා ගන්නද මම. එකී නොකී මෙකී කතා ගොඩක් නිසාම ඌව ඇස් දෙකට පේන්න බැරි තත්ත්වයක් තිබුනේ. දෙන්නම පරයට දොඹෙන් යන්න කියලා සකලංසමාල ටික ආපහු මැසිමට දාල මගේ ඇදුම් ටික පටාර් ගාල තෙත පිටින්ම කාමරේට ගෙන්නල්ල දැම්මා. දැන් මන රෙදි හෝදලා නෑ හරිය.
ඊලග ප්‍රශ්නේ උනේ රෙදි ටිකේ අයිතිකාරී මේ ටික උදේම අරන් යාවිද කියන එක.කෝකටත් කියලා හොරගල් අහුලහෙන ඉද්දි
ගුඩ් මෝර්නින්ග්...හව් ඉස් ගොයින්... කියාහෙන එක සුද්දෙක් එලියට බැස්සා... හෑව් අ ගුඩ් වන් කියාගෙන අනිකත් උගේ පස්සෙන්..
චීන එකී කොරියන් එකාත් ඊට විනාඩි දහයකට පස්සෙ තම තමන්ගේ රථ වලට ගොඩවෙලා නගරය පැත්තට ඇදුනා. ඔන්න ඊලගට මහාවිසාල කලබලේකින් එක සුද්දියක් වෙච්ච මෙලිස්සා මට අතකුත් වනාගෙනම එලියට බැහැලා රැකියාවට ගියා... ඊලගට ඉන්දියන් කාරයාත් පිටමං උනා. සියලුම බලාපොරොත්තු සුන් කරාගෙන අනිත් සුද්දිත් පහලට ආවත් වැඩි වෙලා නොරැදී ඉක්මනටම ලෑස්ති වෙලා යන්න ගියාම තනි අලියා වගේ මම විතරයි ගෙදර ..
මුලින්ම පරන ඒ ටී එම් කාඩ් එකක දොරේ දාරේ අස්සට දාල ඉන්දියන් එකාගේ කාමරේ අගුල පැන්නුවා. ඒ වගේ අපුලක් අප්පිරියා හිතෙන ගන්දස්සාරයක් මට පිටකොටුවේ මහජන වැසිකිලියකින්වත් දැනිලා නෑ. කෑම පිලිනු වෙලා... එලවලු ජාති බිත්තර.. කොටින්ම සිල්ලර කඩේකට බඩු කාමරේ අස්සෙ. විනාඩි කීපයක් යද්දි සකලංසමාල ටික ඉන්දියන් බුවාගේ රෙදි කබඩ් එක අස්සෙ ලස්සනට ඉන්නවා. දොර ලොක් කරලා සියල්ල හරි ගාණට මිම්මට ආපහු සෙට්ව්කරලා මගේ ඇදුම් ටිකත් වේලාගෙන මගේ පාඩුවේ මං බලාගෙන ඉන්නවා.
සිකුරාදා දිනයක් නිසා එකා එකා බොහොම සැහැල්ලුවෙන් ආපහු ඇවිල්ලා පැයක් දෙකක් යද්දී මෙලිස්සා කලබලෙන්... රෙදි ටික නෑලු.
දිග කතාවක් කෙටියෙන් මෙහෙම කියන්නම්
මගේ දොරට ගහලා මගෙනුත් ඇහුවා
"නෑ මං දැක්කෙ නෑ... මම උදේ රෙදි සෝදද්දි ඒවා එතන තිබුනේ නෑ"
"හොදටම විස්වාසයි මට ඕන නම් බලන්න මගේ කාමරේ"
තුරුම්පු දෙකක් මේසෙ උඩට ගහලා දාපු මම බලන්හිටියා
" ඔව් මට සේරගෙම කාමර බලන්න ඕන"
"මේක අසෝබන අසීලාචාර වැඩක්"
ගෙදර අයිති සුද්දා ගෙන්නා ගෙන තවම නොපැමිණි අයහේ කාමර වලින් වැඩේ පටන් ගත්තා.තුන් වෙනි කාමරේ වෙච්ච ඉන්දියන්කාරයගේ කාමරෙන් මෙලිස්ස එලියට ආවේ පුපුරන්න ඔන්න මෙන්න්න්න
මම දැනන්ං හිටියා... ඔය මිනිහා තමයි , බැල්ලිගෙ පුතා... අවලමා යනාදී විදියට ඉංගිරිස් කුනුහරුප විමානයයි. කොටින්ම අයිති එකාත් කියාපි ඌට මාසයක් ඇතුලත යන්න කියනවා කියලා. කතාව එහෙම යද්දි මම තුරුම්පු ආසියත් මේසෙ උඩට ගැහුවා මෙහෙම
" මිනිහා නේද නත්තලට විශ් කරලා වැලදගනිද්දි මෙලිස්සගේ පස්ස මිරිකුවේ??"
රෑ නමයට විතර මට ඇහුනෙ ඉන්දියන්කාරයට මූණට බයින මෙලිස්සගේ කට හඩ
"යූ ෆිල්ති මදර් ෆකර්... පබ්ලික් වැන්කර්.... ක්‍රීපි සන් ඔෆ් අ බියෑච්... ශේම් ඔන් යූ ... ස්නිෆර්... ෆෙටිශ් බස්ටර්ඩ් "
වගේ සුන්දර වදන් වලින් රමේශ් ට දිට්ටධම්ම වේදනීය කර්මය පටිසන් දුන්නා..
සීතල යුද්ද කතා මතු සම්බන්දයි...
කුෂාන්
24/11/2018

5 comments: