ඊයේ සුරාසැල් නොහොත් බාර් නොහොත් ලිකර් ඇරලාය. කොලඹ සහ ගම්පහ බලපත්‍ර සහිත සුපිරි වෙළඳසැල් වලට මත්පැන් විකුණන්නට අවසර දීලාය. ඊයේ නැවත විවුර්ත කලේ සුරාබදු දෙපාර්තමේන්තුවේ බලපත්‍ර ලැබූ නීත්‍යානුකූල මත්පැන් අලවිසැල් ය. ඒවායේ විකුණන්නේ සුරාබදු දෙපාර්තමේන්තුවේ ලියාපදිංචි වූ මත්පැන් පෙරීමට ඇසිරීමට බෙදාහැරීමට නීත්‍යානුකූල අවසර ලැබූ කොම්පැණිවල අරක්කු හෝ බියර්ය.
රාත්‍රී ප්‍රවෘත්ති වල හෙඩ්ලයින් එක වූයේ බාර් පෝලිම් ය. ලංකාවේ මිනිසුන්ගේ මත්පැන් පරිබෝජනය පිලිබඳව මාගේ පැහැදීමක් ද නැත. විෂේශයෙන් මාස දෙකක් පුරා ලොක්ඩවුන් වී හන්ටර් වී සිටි බොහෝ දෙනා අතේ තිබූ තුට්ටු දෙකම ලිකර් එකට පූජා කිරීම ඛේදවාචකයකි.
නමුත් තවෙකෙකුගේ අරක්කු බීම විවේචනය කිරීමට මාහට අයිතියක් නැත. ඒක ඒ මනුස්සයාගේ තීරණයක් ය.ඒ ගැන වෙනමම කතාකල යුතු නමුත් ඊට පෙර කතා කල යුතු දෙයක් ඇත
ඊයේ දිනයේ කැමරාවක් මයික් කටුවක් උරුක් කරමින් බාර් පෝලිම් වල , බාර් එකට ගොස් එමින් සිටි , බීලා වැඩිවුනු , වැඩිවෙලා පාරේ වැටුනා වූ මිනිසුන් පෙන්වමින් ජෝගියක් නැටූ බෝතල් පත්තර කාරයින් පිරිසක්ද වූයේය.
හොඳටම ඩෝප් වූ වයසක මනූස්සයකු පාර අයිනේ වැටි සිටිනු පෙන්වූයෙ කිසිම හිරිකිතයක් නැතුවමය. ඒ මනුස්සයාගේ අඹු දරුවන් හෙට දින සමාජයට මුහුණ දෙන්නේ කෙසේද යන ප්‍රශ්නය මේ කුණු කපුටන් ගේ සිතට නොනැඟීම පුදුම සහගතය. තවත් එකෙක් බලහත්කාරයෙන් ම කමිසය උස්සා ඉනේ ගසා සිටිනා අරක්කු කාල වීඩියෝ කරන්නට හදනවාය. ඒ මිනිස්සු අහිංසක නිසාම උන් පොරවල් වෙලාය.
මේ ඊනියා මාජ්ජවේදීන් සිතා සිටින්නේ උන්ගේ කැමරාවේ කාචය උන්ගේ හැර අනෙක් ඕනෑම එකෙක්ගේ කක්කුස්සි දක්වා දිගු කිරීමට උන්ට ලයිසන් දීලා ඇති බවය. උන්ගේ වාසනාවකට ලංකාවේ මිනිස්සු මාධ්‍යවේදීන්ට තවමත් ගරු කරන අතර ඒ මේවගේ කපුටන්ට නොව උන්ට කලින් සිටි සැබෑ මාධ්‍යකරුවන් විසින් ඔසවා තැබූ ප්‍රතිරූපය නිසාය.
කැමරාවත් , මාධ්‍ය ලකුණ ගැසූ ටීසර්ටයකින් සහ අයිඩී එකකින් සැරසුණු කුණු අවුස්සන කපුටන් බඳු ඊනීයා මාජ්ජවේදීන්ගෙන් අසන්නට ඇත්තේ එක් දෙයකි.
මහජනතාවගේ මුදලින් පිස්සු කෙලින මැති ඇමති පුතෙක්ට ඔය කැමරාව දික් කරලා ඔය ප්‍රශ්න ටිකම අහන්න බැරි මොකද කියාය. අහන්නට දෙයක් නැත. ගූ බයත්, පිං අඩියත් ෆ්‍රයිඩ් රයිස් එකත් නිසා නකුට දෙපරංදේ අස්සේ ගැස්සිලාය.
ඒක ටිකක් අමාරුයි වගේ නම් හොර කසිප්පු මුදලාලි කෙනෙක්ට ඔය ව්දියටම මීඩියා පාට් දමා "ඇයි කසිප්පු පෙරන්නේ ?" කියා අසන්නට පුලුවන් නම්
අන්න උඹලා නියම මාධ්‍යවේදින් ය.
එහෙම නැත්තං කියන්නට ඇත්තේ බස් වල ගැණුන්ගේ යටසායවල් හොරෙන් වීඩියෝ කරන මානසික අසහනකාරයා උඹලාට වඩා ග්‍රේට් කියාය. ඌ ඒවා වීඩියෝ කරනුයේ තමන්ගෙම ආතල් එකට අසහනය පිටකර ගැනීමටය.
හැබයි උඹලා ඊයේ මිනිසුන්ගේ කමිසය උස්සා අරක්කු කාලේ කුප්පිය පෙන්වූයේත් , වෙරිවී බිම නිදාසිටි මිනිසුන් රටමම පෙන්වූයේ ඉන් හම්බෙන තුටුටු දෙකෙන් ගෙදර මිනිසුන්ට කන්න අදින්න දෙන්නටය.
ඕක ඔහොම කීවට තේරෙන්නෙ නැත. ඔය ඊනියා මාධ්‍යකාරයෙක් ගේ පවුලේ කෙනෙක් ඔය ආකාරයටම උන්ගේම කැමරාවකින් රටටම පෙන්වූ කලෙක , ඔය ටික අගේට තේරුම් යනු ඇත.
ගමේ බාසාවෙන් කියනවා නම් මුන් කරන්නේ ඉට්ටෙන් ගූ කෑමය.
14/05/2020
No comments:
Post a Comment